Փետրվարի 23-28 ընթացքում Կրթական հետազոտությունների և խորհրդատվությունների կենտրոնի թիմը աշխատանքային այցով գտնվում էր Ավստրիայում։ Այցի շրջանակներում հանդիպումներ ունեցանք տեղի հետազոտական, կրթական կենտրոնների, ինչպես նաև երիտասարդների հետ։ Աշխատանքային այցի շրջանակներում հանդիպում ունեցանք Վիեննայում գործող «Երիտասարդական մշակույթի հետազոտությունների ինստիտուտում» (Institut für Jugendkulturforschung), որտեղ գիտահետազոտական ծրագրերի ղեկավար Ստեֆան Խիտելի (Stefan Khittel) հետ քննարկեցինք Ավստրիայում հետազոտությունների իրականացման գործընթացը՝ մեթոդաբանության մշակում, դաշտային աշխատանքների իրականացում, վերլուծական աշխատանքների համակարգում, որակի ապահովում, էթիկական չափանիշների պահպանում։