Կրթական և սոցիոլոգիական հետազոտությունների իրականացման ընթացքում Կենտրոնը կիրառում է սոցոլոգիական որակական և քանակական հետազոտական մեթոդների ամբողջ գործիքակազմը, կախված տվյալ հետազոտության և Ծրագրի նպատակներից և խնդիրներից։ Կենտրոնը պարբերաբար թարմացնում և կատարելագործում է իր գործունեությունը՝ կիրառելով հետազոտությունների իրականացման, տվյալների հավաքագրման և վերլուծության նորարական մեթոդներ։ Կենտրոնը կիրառում է տվյալների հավաքագրման քանակական և որակական հետևյալ մեթոդները․

Քանակական մեթոդներ

• Հանրային կարծիքի ուսումնասիրության դեմ-առ-դեմ քանակական հարցումներ,

• Մոնիտորինգի և գնահատման հետազոտություններ քանակական մեթոդների կիրառմամբ,
• CAPI - Անհատական դեմ առ դեմ հարցազրույց՝ համակարգչային ծրագրի միջոցով,
• CAWI - Համակարգչային ծրագրի միջոցով իրականացվող վեբ հարցազրույցներ։

Որակական մեթոդներ

• Խորին հարցազրույցներ,

• Փորձագիտական հարցազրույցներ,
• Առանցքային տեղեկատուների հարցազրույցներ,
• Դիտարկում,
• Ֆոկուս խմբային քննարկումներ,
• Դեպքերի ուսումնասիրություն և այլն։

Որպես գործունեության հիմնական ուղղություն Կենտրոնը առաջնորդվելով միջազգային և տեղական հետազոտական և գիտական լավագույն փորձով, մշակել է կրթական հետազոտությունների իրականացման մանրամասն մեթոդաբանություն և գործիքակազմ։ Կենտրոնը, մասնավորապես իրականացնում է հետազոտություններ ուղղված կրթական գործընթացների, ուսումնական հաստատությունների գործունեությանը՝

• Հետազոտության մեթոդաբանության մշակում, 
• Տեղեկատվության հավաքագրման գործընթացի կազմակերպում և իրականացում,
• Ուսումնական հաստատության փաստաթղթերի սոցիոլոգիական փորձաքննության իրականացում (փաստաթղթերի գործունակության գնահատում), 
• Որակական և քանակական տվյալների մշակում և վերլուծություն, 
• Ուսումնական հաստատության գործունության ամբողջական կամ առանձին բնագավառի վերաբերյալ վերլուծության պատրաստում, 
• Ուսումնական հաստատությունների ինքնավերլուծության ձևաչափում ներառված բոլոր չափանիշների վերաբերյալ տեղեկատվության հավաքման մեթոդաբանության մշակում: Սոցիոլոգիական հետազոտություններ 

Կենտրոնի առանցքային առաքելություններից մեկն է նպաստել Հայաստանում սոցիոլոգիայի և սոցիոլոգիական հետազոտությունների կարևորության և վստահելիության բարձրացմանը որակյալ սոցիոլոգիական ծառայությունների մատուցման ճանապարհով։ Կենտրոնը իրականացնում է սոցիոլոգիական հետազոտություններ՝ առաջարկելով հետևյալ ծառայությունները՝

• Հետազոտության մեթոդաբանության մշակում,
• Հետազոտության գործիքների մշակում (հարցաթերթեր, հարցաշարեր),
• Տեղեկատվության հավաքագրման գործընթացի կազմակերպում և իրականացում,
• Ֆոկուս խմբային քննարկումների կազմակերպում և իրականացում,
• Փաստաթղթերի վերլուծություն` ավանդական և բովանդակային (content analysis) մեթոդներով, այդ թվում, վիճակագրական տվյալների և երկրորդային վերլուծություններ,
• Փաստաթղթերի սոցիոլոգիական փորձաքննության իրականացում (փաստաթղթերի, այդ թվում հետազոտության գործիքների, գործունակության գնահատում),
• Տվյալների մշակում և վերլուծություն (քանակական տվյալները մշակվում են և վերլուծվում են SPSS փաթեթով):

Կենտրոնն իրականացնում է քանակական և որակական հետազոտության արդյունքների համակցված վերլուծություններ։ Կենտրոնի մատուցած վերլուծական ծառայությունները կարող են մաս կազմել Կենտրոնի կողմից իրականացվող ամբողջական հետազոտության, կամ պարզապես մատուցվել որպես առանձին ծառայություն։ Կենտրոնը առանձնահատուկ ուշադրություն է դարձնում կրթության և  երիտասարդության հիմնախնդիրների, երեխաների իրավունքների պաշտպանության և այլ ոլորտներին առնչվող փաստաթղթերի և հետազոտական հաշվետվությունների երկրորդային վերլուծությանը, որը թույլ է տալիս համեմատել և առավել ամբողջական պատկերացում կազմել տարիների ընթացքում տարբեր երևույթների փոփոխության մասին։ Կենտրոնը մատուցում է վերլուծությունների իրականացման սոցիոլոգիական ամբողջ գործիքակազմը։ 

Կենտրոնը մեծապես կարևորում է պատվիրատուների և շահառուների կարծիքը և հիմնական պահանջները հաշվետվությունների տրամաբանական կառուցվածքի և բովանդակության վերաբերյալ, միևնույն ժամանակ Կենտրոնի փորձագետները և հետազոտողները առանձնահատուկ ուշադրություն են դարձնում ցանկացած հաշվետվության մշակման տեսամեթոդաբանական և գիտական հենքին։

Կենտրոնը պարբերաբար թարմացնում, կատարելագործում և համալրում է քանակական և որակական վերլուծությունների իրականացման իր գործիքակազմը։ Տվյալների քանակական վերլուծության նպատակով Կենտրոնի մասնագետները կիրառում են SPSS, Stata և այլ վիճակագրական փաթեթներ, կախված Ծրագրի առանձնահատկությունից և պատվիրատուի պահանջից։ Տվյալների որակական վերլուծության նպատակով Կենտրոնը կիրառում է MAXQDA և NVIVO ծրագրերը։

Կենտրոնը իրականացնում է կրթական և սոցիոլոգիական հետազոտությունների վերաբերյալ դասընթացներ` 

• Հետազոտության մեթոդաբանության մշակում,
• Քանակական և որակական հետազոտություններ,
• Քանակական և որակական հետազոտությունների կիրառումը կրթական համակարգում,
• Առցանց հետազոտությունների իրականացման առանձնահատկություններ և սահմանափակումներ,
• Կրթական հետազոտությունների առանձնահատկություններ,
• Տվյալների մշակման և վերլուծության գործիքներ (SPSS, Stata), 
• Փաստաթղթերի վերլուծության մեթոդներ, 
• Հարցաթերթերի մշակման տեխնիկաներ, 
• Մոնիթորինգ և գնահատում. մեթոդներ, գործիքներ, տեխնիկաներ,
• Կարիքների գնահատման մեթոդաբանություն,
• Ծրագրի ազդեցության գնահատման մեթոդաբանություն թեմաներով:

Կենտրոնը մեծապես կարևորում է կրթության ոլորտի մասնագետների, ինչպես նաև երիտասարդների և բոլոր շահառուների մասնագիտական կարողությունների զարգացումը և դասընթացներից բացի ակտիվորեն մասնակցում է սոցիոլոգիայի, կրթության և երիտասարդության ոլորտներին առնչվող համաժողովներում, քննարկումներում։

Կենտրոնի կողմից մատուցվող խորհրդատվական ծառայությունները որպես կանոն տրամաբանական շարունակությունն են հանդիսանում տարբեր հետազոտությունների իրականացման։ Կենտրոնի կողմից մշակված հաշվետվությունները և զեկույցները ներառում են առաջարկություններ, որոնք օգնում են պատվիրատուին ոչ միայն ընդհանուր պատկերացում կազմել ուսումնասիրվող երևույթի վերաբերյալ, այլև իրենց գործողություններում առաջնորդվել հետազոտություններից ստացված արդյունքներով։ Սակայն կենտրոնը հավատարիմ մնալով իր գործունեության հիմնական առաքելությանը տարիներ շարունակ մեծ ջանքեր է ներդնում, որպեսզի կենտրոնի կողմից իրականացված հետազոտությունների արդյունքները հասանելի դառնան որոշումներ կայացնողների համար և կրթության, երեխաների պաշտպանության, երիտասարդների և այլ խմբերի հիմնահարցերի հետ կապված ռազմավարությունների և քաղաքականությունների մշակման մաս կազմեն և նպաստեն խնդիրների լուծմանը։ Կենտրոնի և գործընկեր կառույցների համատեղ ջանքերի շնորհիվ, տարիների ընթացքում ավելի ու ավելի է մեծանում սոցիոլոգիայի որպես գիտության, սոցոիոլոգիական և կրթական հետազոտությունների կարևորությունը շահագրգիռ կողմերի համար։