Այս առիթով ցանկանում ենք կիսվել կարևոր ռեսուրսներով և նորություններով։

 

«Աջակցություն Համապարփակ և ընդլայնված գործընկերության համաձայնագրի (ՀԸԳՀ) մշտադիտարկմանը, իրականացմանը և հաղորդակցությանը» ծրագրի շրջանակներում իրականացվել է ՀԸԳՀ-ի ներքո մի շարք ոլորտներում իրականացվող բարեփոխումների մշտադիտարկում։ Մեր կենտրոնից Մարինա Գալստյանը իրականացրել է ՀԸԳՀ 95-րդ հոդվածի՝ երիտասարդների հետ աշխատող մասնագետների՝ երիտասարդական աշխատողների կրթության մշտադիտարկում։ Հասանելի է զեկույցի հայերեն և անգլերեն տարբերակները։ 

Հասանելի են նաև մյուս ոլորտների՝ կրթություն, զբաղվածություն ևայլն, զեկույցները, քաղաքականության և ջատագովության համառոտագրերը։

 

Օգոստոսի 5-7 մասնակցեցինք Ազգային երիտասարդական համաժողովին։
Թվով Երկրորդ համաժողովին մասնակցում էին շուրջ 800 հայ երիտասարդ և երիտասարդության ոլորտի ներկայացուցիչներ, փորձագետներ,  Հայաստանից և սփյուռքից՝ ավելի քան 50 երկրներից։
Երեք օրերի ընթացքում տարբեր ձևաչափի քննարկումներ տեղի ունեցան՝ պանելային քննարկումներ, դասախոսություններ, կլոր-սեղան քննարկումներ և այլն։
Քննարկումների թեմատիկ ուղղություններն էին՝
—հայկական ավանդույթներ
—արդի հայկական նարատիվներ
—ազգային երաժշտություն
—երիտասարդների դերը հայկական ազդեցության ընդլայնման գործընթացներում
—երիտասարդների քաղաքական և քաղաքացիական ներգրավվածությունը
—երիտասարդների առաջնորդությունը
—երիտասարդական քաղաքականության միջազգային փորձը
—երիտասարդների դերը գործարար միջավայրում
—առցանց ներկայացվածությունը
—Հայաստան-սփյուռք ռազմավարական համագործակցությունը երիտասարդության ոլորտում և այլ կարևոր թեմաներ։

Հետաքրքիր էր ծանոթանալ Հայաստանից և սփյուռքից երիտասարդների, ուսանողների և երիտասարդության ոլորտի հետազոտող գիտնականների հետ։